Muqdisho(Bosaso-media)-

Dowladda KMG ah ee Soomaaliya ayaa diyaarisay ciidamo horleh oo ay kula dagaalamayso kooxaha kacdoonka wada ee dagaalada kala soo horjeed, waxaana meelo badan oo magaalada Muqdisho ka mid ah inta ay ka arrimiso Dowladda KMG ah ay digtay ciidamo farabadan oo ay doonaysa in ay dagaal galiso kuna weerarto meelaha kooxaha ka soo horjeeda ay ka joogaan magaalada Muqdiso.

Dowladda Soomaaliya ayaa ciidamo badan ku daadisay meelo badan oo dowladda Soomaaliya muhiim u ah, waxaana dowladda KMG ah ee Soomaaliya ay dhawaan qorshaynaysaa in ay dagaal xoogan ku qaado maleeshiyaad hubaysan ee dagaal kula jira.

Inta u dhexaysa Muqdisho iyo afgooye ayaa ka mid ah meelaha dowladda Soomaaliya ay Ciidamadaan ku daadisay, waxaana dadka ku dhaqan magaalada Muqdisho ay cabsi balaaran ka qabaan in daaglo xoogani ay magaalada Muqdisho ka qarxaan.

Magaalada Muqdisho oo inta badan ay ka dhacaan dagaalo xoogan oo u dhexeeya Ciidamada dowladda KMG ah ee soomaaliya oo kaashanaya Ciidamada AMISOM ee nabad ilaalinta u jooga dalka Soomaaliya ayaa hadda waxaa laga dareemayaa jawi dagaal oo laga yaabo in mar walba uu dagaal ka qarxo.

Sidoo kale ururka Al-shabaab ee ugu tunka weyn kooxaha Mucaaradka ah ee dagaalada kala soo horjeeda dowladda Soomaaliya ayaa iyaguna ciidamo farabadan soo dhoobay gobolada Koonfureed ee ku dhow dhow magaalada Muqdisho si ay uga qeyb qaataan dagaalada lagu wada in ay ka qarxaan magaalada Muqdisho ee Caasumada dalka Soomaaliya.

Dhinaca kale haddii dagaalo ay magaalada Muqdisho ka qarxaan ayaa waxaa ay fursad qaali ah u noqonaysaa Ururka Ehlusunah waljameeca oo iyagu mowqufka kala midaysan Dowladda Soomaaliya.

Axmed Kilwe